“Jo të gjithë duhet të më njohin mua, por kur mbulon një fushë të caktuar duhet të jesh e përgatitur. Të tjera përgjigje kisha në tru e të tjera gjëra thashë. Pati reagime të shumta nga ajo video dhe nuk ishte mirë për vajzën”.
Ka qenë kjo deklarata e tenorit të njohur Kastriot Tusha, i cili rreth 1 vit më parë u gjend në një situatë të sikletshme që e kaloi me shumë sportivitet.
Në media doli një video, ku pas një shfaqjeje operistike, një gazetare i bëri një intervistë Kastriot Tushës dhe nuk e dinte se cili ishte ai.
–“Përshëndetje! Duam të dimë përshtypjen tuaj për këtë soprano dhe çfarë ju ka nxitur për të marrë pjesë në këtë shfaqje?”-ishte pyetja e gazetares.
-“Soprano? E keni fjalën për premierën? Shpresojmë që shfaqja të dal me sukses”, u shpreh Kastriot Tusha.
-“Ju jeni artist?”-e pyeti më tej gazetarja, tenorin e njohur.
-“Unë jam Kastriot Tusha, pedagog në Akademinë e Arteve, tenor, dhe me një karrierë artistike të gjatë edhe këtu në TOB”, u përgjigj tenori i njohur teksa ngeli i befasuar nga kjo pyetje.
